O Ateneo de Santiago ten programadas dúas visitas guiadas gratuítas ao Parlamento de Galicia e á «Mostra Bibliográfica de Ricardo Carvalho Calero» para o venres 22 de xaneiro ás 11.00h e ás 12.o0h, respectivamente.
As prazas son limitadas polo que todo aquel que queira participar deberá inscribirse, indicando a hora elixida, no enderezo ateneo@ateneodesantiago.com, admitíndose unicamente a inscrición dun máximo de dúas persoas en cada solicitude e tendo preferencia de admisión os/as socios/as do Ateneo.
A exposición está integrada por medio cento de libros e máis dunha vintena de documentos entre os que se inclúen o carné de socio do Seminario de Estudos Galegos e dúas cartas de Otero Pedrayo, entre outro material pertencente ao arquivo de Carvalho Calero, depositado no Parlamento de Galicia, desde 1997, xunto coa súa biblioteca.
comment closed