O martes 15 de outubro ás 17.30h terá lugar na biblioteca do Ateneo (Pr. Salvador Parga, 4-2º) a sesión de presentación do club de lectura do Ateneo, que se desenvolverá nas datas seguintes:

1º trimestre ………. Outubro: 15 e 22 / Novembro: 5 e 19 / Decembro: 3 e 17

2º trimestre ………. Xaneiro: 7 e 21 / Febreiro: 4 e 18 / Marzo: 3 e 17

3º trimestre ………. Marzo: 31 / Abril: 21 / Maio: 5 e 19 / Xuño: 2 e 16

Os participantes reuniranse na biblioteca do Ateneo dous martes ao mes en horario de 17.30 a 19.00h, entre outubro e xuño.

O número de prazas dispoñibles é de 15 e as inscricións deberán realizarse no enderezo electrónico ateneo@ateneodesantiago.com ata o domingo 6 de outubro. A adxudicación das prazas será por orde de inscrición, coa seguinte orde de preferencia:

1. Membros do club de lectura do último trimestre do curso 2018-2019
2. Inscritos na listaxe de agarda no curso 2018-2019
3. Resto de socios do Ateneo de Santiago
4. Non socios

As persoas non admitidas entrarán a formar parte dunha listaxe de agarda que permanecerá aberta ata o remate do club no mes de xuño.

Esta actividade ten un prezo de 15€/trimestre para os socios do Ateneo e de 20€/trimestre para os non socios, a aboar en outubro, xaneiro e abril (todas as achegas realizadas ás entidades sen ánimo de lucro declaradas de utilidade pública teñen deducións na declaración do IRPF).