O sábado 14 de abril terá lugar a terceira etapa do Camiño de Inverno, entre Arxeriz e Boán (19,6 km), que organiza o Real Aeroclub de Santiago, á cal os socios do Ateneo se poden sumar nas mesmas condicións que os do Aeroclub, en virtude do convenio de colaboración asinado entre ambas as dúas entidades. Tamén haberá unha etapa curta entre Arxeriz e Chantada (14,5 km).

PROGRAMA:

Saída ás 8.00h en autobús dende a Rúa da Rosa ata Chantada.

Dende Chantada, despois de tomar un café, o grupo partirá en autobús ata Arxeriz (cruce 4112 con 4102), dende onde se iniciará a andaina aproximadamente ás 10.00h.

Chegada a Boán antes das 15.00h, onde o autobús recollerá ao grupo para ir a comer ao restaurante Os Pendellos (Chantada). Menú:
Mix de croquetas / Revolto de boletus / Arroz caldoso con polbo / Twister de lagostinos
Segundo a elixir: Pescada á prancha / Carrilleira con castañas / Costela de Angus / Churrasco mixto
Viño branco e tinto D.O. / Refrescos / Augas / Cervexa
Sobremesa, café, chupiños.
Prezo do menú: 20 euros por persoa. Pagamento directo no restaurante.

Regreso a Santiago aproximadamente ás 19.30h.

Inscricións: en recepcion@aerosantiago.es ou nas oficinas do Real Aeroclub en Xeneral Pardiñas nº 34, antes do xoves 12 de abril ás 20h.

Prezo da inscrición: 18 euros

Forma de pagamento: nas oficinas de Xeneral Pardiñas no momento da inscrición.

RECOMENDACIÓNS

• Dispoñer de boa información de previsión meteorolóxica para adecuar o equipo.
• Equipo de roupa e calzado adecuados á ruta. O calzado é moi importante, debe estar “afeito ao pé”, que teña una sola grosa, que suxeite o nocello e que sexa IMPERMEABLE.
• Bastón de trekking, que axudará a reducir a fatiga e será moi importante para apartar a maleza.
• Comezar a ruta ben alimentados sen esquecernos de levar bebidas e algo lixeiro e enerxético para tomar durante a marcha.
• As gafas de sol, luvas e sombreiro poden ser moi importantes en función da climatoloxía.
• A mochila facilitará a andaina e será fundamental para reciclar residuos, debemos ser moi respectuosos co medio ambiente coidando sempre a flora e a fauna.
• É moi recomendable dispoñer dun bo equipo de ROUPA IMPERMEABLE.